Нохчийн пачхьалкхан хьехархойн университетехь д1аяьхьира 1илманан-методически семинаран рог1ера заседани «Нохчийн мотт хьехаран хьелаш керлачу лехамашца д1адахьар», Гадаев Мохьмад-Селахьан 110 шо кхачарна лерина.
Семинарехь дакъалецира Соьлжа-Г1алин Мэрин Дешаран департаментан методист йолчу Чемирзаева Я.С. а, школашкахь нохчийн мотт хьоьхуш болчу хьехархоша а, 11, 20, 35, 39 школийн дешархоша а.
Мастер-класс гайтира нохчийн меттан хьехархоша: Каимова Ж.С., 7 школа, Бектамирова А.Н., 47 школа. Дешархоша йовзийтира Гадаев М.-С. поэзин аг1онаш.
Яхас шен йистхиларехь билгалдаьккхира хьехархойн университетаца цхьаьна д1ахьош болу болх ч1ог1а мехала хилар а, къоначу хьехархошна доккха эца масал хилар а.
