НОХЧИЙН МЕТТАН ЛЕРИНА ЦХЬАЬНАКХЕТАР ДlАДАЬХЬИРА СОЬЛЖА-ГlАЛИН ЛОЬМАР 24 ЙОЛЧУ ИШКОЛЕХЬ.
Вайн Мехк-Дас, Россин Турпалхочо Кадыров Ахьмад-Хьаьжин Рамзана шен омрица 2023 шо «Нохчийн меттан шо» аьлла билгалдаьккхина дара. Соьлжа-ГIалин муниципальни дешаран системехь къаьсттина болх бина дIадаханчу шарахь мотт Iалашбарехь а, кхиорехь. И болх кхин дIа а дIахьош, лоьмар 24 йолчу ишколехь дlадаьхьира «Нохчийн мотт - сан дозалла» цIе йолу цхьаьнакхетар.
Мероприятин коьрта хьеший бара Соьлжа-Гlалин дешаран Департаментан куьйгалхочун заместитель волу Хизриев Мохьмад, иштта Департаментан белхалой а.
Ишколан хьехархоша лаккхарчу тlегlан тlехь кечам бинера цу гlуллакхна: нохчийн пеш, истангаш, говр-ворда, нохчийн даарш а кечдина. Иза дерриге а вовшахтоьхнера дlайаханчу хенахь хиллачу нохчийн дахаран сурт хlоттош, цу хена хилла lер-дахар гойтуш.
Дешархоша жигара дакъалецира оцу цхьаьнакхетарехь. Цара йийшира нохчийн меттан гIарабевллачу классикийн ненан маттах лаьцна поэзи, тайп-тайпанчу эшаршца хаийтира шайна нохчийн мотт хьоме хилар, гайтира театральни говзалла гIиллакх-оьздангаллех лаьцна постановкица.
Хьешаша билгалдаьккхира, и тайпа нохчийн меттан лерина цхьаьнакхетарш тIекхуьучу чкъоран чlогlа мехала хилар.
#нохчийнмотт #нохчийнметтаншо #къоманседарчий #МовлинЗелимха #СоьлжаГlалиндешаранДепартамент
